Seán Mag Uidhir, Cathaoirleach : Seán atá ina eagarthóir ar Nuacht Bhéal Feirste Thuaidh, cuid de Ghrúpa nuachtán Meán Bhéal Feirste, ina bhfuil an nuachtán Gaeilge Lá.
Seán Ó Coinn: POF Chomhairle na Gaelscolaíochta ó 2001. Bhí Seán ina Chathaoirleach ar choiste a bhunaigh réamhscoil MG agus bunaonad MG in Ard Mhacha idir 1988-1993. Tá cáilíocht B.A. (Onóracha) sa Léann Ceilteach aige ó Ollscoil na Banríona Béal Feirste agus dioplóma is airde i mbainistíocht ó Ollscoil Uladh.
Tá Seán pósta agus triúr mac aige agus is ceoltóir díograiseach traidisiúnta é.
Muireann Ní Mhóráin: Feidhmeannach sinsearach roimhe seo i Roinn Oideachais Phoblacht na hÉireann; príomhfheidhmeannach anois í ar COGG a thacaíonn le Gaeloideachas agus le scoileanna Gaeltachta sa Phoblacht.
Róise Ní Bhaoil: Gaeilgeoir ó dhúchas as Rann na Feirste í agus ball sinsearach foirne le hIontaobhas Ultach, eagras Gaeilge a bunaíodh leis an Ghaeilge a chur chun cinn ar bhonn trasphobail.
Seán Mac Goill: Ailtire ar scor agus gníomhaí Gaeilge lena bheo. Tá seirbhísí pleanála agus deartha á gcur ar fáil aige do thograí pobail agus Gaeilge le breis agus 40 bliain.
J. Christopher Napier, Cisteoir: Aturnae atá ann agus ball bunaidh dhá Ghaelscoil, agus ball bunaidh Bhord Iontaobhas Ultach.
An tOllamh Dónall Ó Baoill: Ollamh leis an Léann Ceilteach é in Ollscoil na Banríona Béal Feirste . Tá a lán scríofa aige sa limistéar seo agus ba chathaoirleach le déanaí é ar athbhreithniú Aire ar cheantair Ghaeltachta in Éirinn.
Pilib Ó Ruanaí, Príomhfheidhmeannach : Ón bhliain 2001, tá Pilib ina Phríomhfheidhmeannach ar Iontaobhas. Tá céim sa Léann Ceilteach aige ó Ollscoil na Banríona Béal Feirste, is bunaitheoir, tuismitheoir cathaoirleach é ar an chéad Ghaelscoil i nDeisceart Bhéal Feirste, Scoil an Droichid. Tá sé fosta ina chathaoirleach ar An Droichead, togra Gaeilge agus gnó i nDeisceart Béal Feirste. Tá Pilib ina ghobharnóir ar Choláiste Feirste agus ina stiúrthóir ar An Nasc, cuideachta sheachbhrabúsach Ghaeilge a phléann le hathghiniúint gheilleagrach.
An Dr Réamaí Mathers, Bainisteoir Tiomsaithe Airgid : Cháiligh sé an chéad uair le céim in Eolaíocht an Chomhshaoil agus le dochtúireacht in eolaíocht éiceolaíoch agus d’oibrigh sé le blianta sa limistéar seo. Bhain Réamaí ar dtús le Ciste Iontaobhais an Ghaeloideachais nuair a bhunaigh sé féin agus daoine eile Gaelscoil an Chaistil, réamhscoil agus bunscoil Ghaeilge i mBaile an Chaistil, tuaisceart Aontroma. Tá sé fostaithe le 5 bliana ina Oifigeach Sinsearach Forbartha le Comhairle na Gaelscolaíochta, ball boird é den eagras scoileanna uile-Éireann, Gaelscoileanna agus is é Cathaoirleach Ghaelscoil an Chaistil é. Tá Réamaí pósta agus beirt iníon agus mac aige.
Peadar Colm Ó Cuinneagain, Bainisteoir Ghaelscolaíocht Éireann : Thosaigh Peadar an post mar bhainisteoir Gaelscolaíocht Éireann i Meán Fómhair 2007. Bhí sé ina oifigeach forbartha pobail i mórcheantar an Chuilinn i mBéal Feirste Thiar le mórán blianta sula raibh sé ag obair go forleathan in earnáil na Gaeilge. Sular thosaigh Peadar le Gaelscolaíocht Éireann d’oibrigh sé le roinnt blianta d’Fhoras na Gaeilge mar oifigeach foirne d’Earnáil na hEalaíona agus don Earnáil Phoiblí. Tá céim onóracha ealaíne aige.
Fionnuala Nic Thom, Riarthóir : Sampla í Fionnuala den dóigh a n-oibríonn Ciste Iontaobhais an Ghaeloideachais. Níor ghnách Gaeilge a labhairt ag an tús sa teach ar chónaigh Fionnuala. Is iardhaltaí Chiste Iontaobhais an Ghaeloidis í féin agus a deirfiúracha. Is í an Ghaeilge anois an ghnáth-theanga laethúil a labhraíonn Fionnuala agus a cuid páistí féin, a fhreastalaíonn Gaelscoileanna fosta. Is iontach mar a éiríonn le Fionnuala fosta staidéar a dhéanamh i dtreo chéim Ghaeilge ag Ollscoil Uladh.
Pat Keenan, Bainisteoir TACA : Aibhléiseoir cáilithe é Pat agus gníomhaí Gaeilge, ball de agus iarchathaoirleach ar An Droichead, an t-ionad pobail agus gnó Gaeilge i nDeisceart Bhéal Feirste.
Cóipcheart 2007 © Iontaobhas na Gaelscolaíochta | Gach Ceart ar Cosaint